ხანძარი ფოთში - ჩიტაძის ქუჩაზე ორსართულიანი სახლი მთლიანად დაიწვა. ცეცხლი მეზობელ სახლზეც გადავიდა, თუმცა მეხანძრეებმა მისი ლოკალიზება დროულად მოახერხეს.
შემთხვევის ადგილზე მობილიზებული იყო ოთხი სახანძრო ბრიგადა. ცეცხლი, სავარაუდოდ, კერძო სახლის მეორე სართულზე, ელექტროსადენებს გაუჩნდა.
ოჯახის წევრები ამ დროს სახლში იმყოფებოდნენ, თუმცა არავინ დაშავებულა. მიზეზს გამოძიება დაადგენს.