უმცროსი ინსპექტორი

(ფუნქცია მოვალეობა)

1. სააგენტოს დანაყოფებში გათვლის უფროსი ემორჩილება მორიგე ცვლის და მორიგე ცვლის უფროსის მოადგილეს და ითვლება მორიგე ცვლა¬¬ში შემავალი გათვლების პირადი შემადგენლობის უშუალო უფროსად;
2. უზრუნველყოფს საქართველოს კონსტიტუციის, საქართველოს კანონების, საქართველოს პრეზიდენტის ბრძანებულებების, საქართველოს მთავრობის დადგენილებების, საქართველოს შინაგან საქმეთა მინისტრის ბრძანებების, საგანგებო სიტუაციების მართვის სააგენტოს დირექტორის ინდივიდუალური ადმინისტრაციულ-სამართლებრივი აქტებისა და სხვა სამართლებრივი აქტების შესრულებას.
3. სააგენტოს დანაყოფების გათვლის უფროსი საკუთარი უფლებამოსილებების განხორციელებისას ვალდებულია:
ა) იცოდეს მორიგე სამსახურის ორგანიზების და განხორციელების წესი;
ბ) იცოდეს სააგენტოს დანაყოფის გასვლის რაიონი, მნიშვნელოვანი, პოტეციურად საშიში ობიექტების განლაგება, მათი ხანძარსაშიშროება, დანაყოფის სახანძრო და საავარიო-სამაშველო ტექნიკის, მოწყობილობებისა და აღჭურვილობის, მხედველობის და სასუნთქი ორგანოების ინდივიდუალური დაცვის საშუალებების ტაქტიკურ-ტექნიკური მახასიათებლები;
გ) მორიგე ცვლების შეცვლისას უზრუნველყოს მიმაგრებული სახანძრო და საავარიო-სამაშველო ავტოტექნიკის, მოწყობილობებისა და აღჭურვილობის, სათავსების ინვენტარის და სხვა მატერიალური ფასეულობის მიღება;
დ) მორიგეობის პერიოდში უზრუნველყოს მიმაგრებული სახანძრო და საავარიო-სამაშველო ავტოტექნიკის, მოწყობილობებისა და აღჭურვილობის მზადყოფნა;
ე) გააკონტროლოს ხანძარსაწინააღმდეგო წყალმომარაგების, კავშირის საშუალებების მდგომარეობა, სახანძრო და საავარიო-სამაშველო ავტოტექნიკის მოძრაობის შესაძლებლობა სააგენტოს დანაყოფის გასვლის რაიონის საზღვრებში;
ვ) განახორციელოს შესაბამისი სამუშაოები, რომლებიც განსაზღვრულია სააგენტოს დანაყოფის ოპერატიულ-სამსახურებრივი საქმიანობის ერთ-ერთი მიმართულებით;
ზ) უზრუნველყოს გათვლის პირადი შემადგენლობის მიერ დისციპლინის და დადგენილი ფორმის ტანსაცმლის ტარების წესი დაცვაზე კონტროლი;
თ) შეასრულოს სააგენტოს დანაყოფის დღის განაწესით გათვალისწინებული ღონისძიებები და ჩაატაროს მეცადინეობები პირად შემადგენლობასთან;
ი) უზრუნველყოს გათვლის პირადი შემადგენლობის მიერ სახანძრო-სამწყობრო, სახანძრო და საავარიო-სამაშველო ტექნიკური საშუალებების გამოყენების ნორმატივების შესრულებასათვის შესაბამისი ვარჯიშების ჩატარების ორგანიზება;
კ) გააკონტროლოს მხედველობის და სასუნთქი ორგანოების ინდივიდუალური დაცვის საშუალებების შენახვის წესი გათვლაზე მიმაგრებულ სახანძრო და საავარიო-სამაშველო ავტომობილებზე;
ლ) შეასრულოს შრომის დაცვის წესები, სანიტარულ-ჰიგიენური ნორმები და გააკონტროლოს მათი შესრულება გათვლის პირადი შემადგენლობის მიერ;
მ) მოახსენოს ოცეულის მეთაურს (მორიგე ცვლის უფროსს) ან მის მოადგილეს (ოცეულის მეთაურის მოადგილეს) გათვლის პირადი შემადგენლობის საჩივრების და თხოვნის, ავადმყოფობის, მიმაგრებული სახანძრო და საავარიო-სამაშველო მოწყობილობებისა და აღჭურვილობის დაკარგვის ან გაუმართაობების შესახებ;
ნ) შეასრულოს ოცეულის მეთაურის (მორიგე ცვლის უფროსის) ან/და ოცეულის მეთაურის მოადგილის (მორიგე ცვლის უფროსის მოადგილის) მოვალეობები მისი არყოფნის შემთხვევაში.
4. სააგენტოს დანაყოფის სახანძრო-სამაშველო და სამაშველო მორიგე ცვლის გათვლის უფროსს საკუთარი კომპეტენციის ფარგლებში უფლება აქვს:
ა) მიმართოს წინადადებებით ოცეულის მეთაურს (მორიგე ცვლის უფროსს) ან/და ოცეულის მეთაურის მოადგილეს (მორიგე ცვლის უფროსის მოადგილეს) გათვლის პირადი შემადგენლობის სამსახურებრივი მოვალეობების შესრულებისაგან გათავისუფლების მიზანშეწონილობის შესახებ, დისციპლინისა და შრომის დაცვის წესების დარღვევის შემთხვევაში;
ბ) მიმართოს წინადადებებით ოცეულის მეთაურს (მორიგე ცვლის უფროსს) ან/და ოცეულის მეთაურის მოადგილეს (მორიგე ცვლის უფროსის მოადგილეს) გათვლის პირადი შემადგენლობის წახალისების ან დასჯის თაობაზე, აგრეთვე მორიგე სამსახურის ორგანიზების პირობების გაუმჯობესების საკითხებთან დაკავშირებით;
5. ასრულებს სააგენტოს ხელმძღვანელობის ცალკეულ დავალებებსა და მითითებებს.